SHARE

Dagaal u dhaxeeyay ciidamada maamulka Jubbaland iyo kuwa Al-shabaab ayaa lagu soo waramayaa in maanta uu ka dhacay deegaanno ka tirsan gobolka Jubada Hoose.

Ciidamada Al-shabaab ayaa jidka u galay ciidamada Jubbaland oo marayey inta u dhaxeysa deegaannada Buulo-gaduud iyo Wurkooy ee gobolkaasi, waxaan dhacay dagaa xooggan.

Saraakiisha ciidamada Jubbaland oo la hadlay warbaahinta ayaa sheegay in dagaalka aanu si rasmi ah u joogsan, dhankooda ay badqabaan islamarkaana ay gubeen gaari HOMEY oo ay la socdeen dagaalyahannada wax weeraray, ayna dileen 9 dagaalyahanno, waa sidey hadalka u dhigeenne.

Waxay sheegeen saraakiishaan in markii horeba ciidamada Jubbaland ay u socdeen deegaanno Al-shabaab  kaga sugnaayeen gobolkaasi.

Dhanka kale, Al-shabaab weli kama aanay hadal dagaalkan ay la galeen ciidamada Jubbaland iyo khasaaraha la sheegay in dhankooda lasoo gaarsiiyay.

LEAVE A REPLY